Një aventurë për të gjithë

Në Flumen Park, çdo hap është një mundësi për t’u zhytur në lojë dhe argëtim. Ndërsa ecni mes gjelbërimit dhe dëgjoni shushurimën e lumit Erzen, hapësirat tona ju ftojnë të eksploroni, të luani dhe të krijoni kujtime.

Të vegjlit deri në 5 vjeç i mund të shijojnë lojën nën mbikëqyrjen e prindërve dhe të humbasin në botën e tyre magjike në këndin e lojërave, brenda një mjedisi të sigurt. Ata pak më të rritur (+6 vjeç) sfidojnë njëri-tjetrin në tavolinat e Ping Pong, Teqball, Bowling dhe lojëra të tjera që sjellin energji dhe argëtim.

Për ata që kërkojnë sfidë sportive, fusha e futbollit është e hapur për ata që duan sport e lëvizje, ndërsa hapësirat e gjelbra dhe zonat buzë lumit i ftojnë të gjithë të shtrihen mbi barin e freskët, të shijojnë ajrin e pastër dhe të ndiejnë natyrën nga afër.

Dhe për ata që dëshirojnë më shumë aventurë, kanionet e Erzenit dhe Shpella e Pëllumbasit janë vetëm disa minuta larg – thirrje për eksplorim, zbulim dhe përvoja që do të mbeten në kujtesë.

Pas gjithë këtyre aktiviteteve, vizitorët mund të ndalen në Restorantin e Flumen Park për një vakt të shijshëm dhe relaksues. Menuja e pasur me produkte të freskëta lokale ofron zgjedhje perfekte si për familjet, ashtu edhe për miqtë që duan të rifitojnë energjitë. Është vendi ideal për t’u çlodhur, për të bërë një pushim të këndshëm dhe për të shijuar natyrën në një ambient komod e të kuruar.